政壇：個人遊封頂危機化商機
由「優」字商號組成嘅香港優質旅遊服務協會（QTSA），早前舉行新一屆理事會就職晚宴，香港中藥業協會理事長李應生（Tommy）及莎莎國際主席郭少明，分別冧莊做多一屆協會主席及副主席，近期個人遊封頂嘅消息頻傳，Tommy卻好淡定，仲話已經諗好辦法將危機化為商機。
經營中藥生意嘅百成堂集團主席Tommy話，現有開放嘅城市人口達兩億幾人，無可能個個都嚟過香港，只要針對現有已開放嘅內地城市，做多啲香港優質旅遊宣傳，相信能夠吸引仍未訪港嘅人來港消費。
李應生（右二）及郭少明（左二）分別冧莊做協會正、副主席，李太（右一）及郭太（左一）溫馨撐場。