政壇：趙式和童年老夫子作伴

    • 經典漫畫老夫子第二代作者王澤帶埋原稿畫作，喺名媛Jane趙式和旗下畫廊「錦藝舫」（Galerie Huit）展出，前日喺灣仔和昌大押舉行開幕酒會，Jane嘅老公李承康，家姐趙式明同堂妹趙式芝都嚟撐場，而名媛何明懿都有現身，現場氣氛好熱鬧。

    作為搞手嘅Jane憶述細個去學鋼琴，等音樂導師期間都係靠睇漫畫打發時間，後來發現睇幽默詼諧嘅老夫子有助紓緩緊張情緒，結果就做咗老夫子嘅粉絲，就連籌辦婚禮都搵王澤嚟幫手畫畫添，而佢老公就試過同兩位一高一矮嘅朋友企埋一齊，畀人冠以老夫子嘅綽號。

    佢堂妹趙式芝都係老夫子漫畫迷，仲話雖然秦先生外表較為俊朗，但點睇都係佢爹哋靚仔啲喎。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    王澤（左）搞畫展，作為老夫子迷嘅趙式和（中）同堂妹趙式芝非常雀躍。