政壇：霍震霆奧運會出席率高

立法會體育、演藝、文化及出版界立法會議員霍震霆喺立法會出席率低，不過身兼香港體育協會暨奧林匹克委員會會長嘅佢，對奧運嘅工作就好投入。

佢風塵僕僕，上個月先去完倫敦開會，尋日見佢出席第四屆全港運動會開展禮，戴住黑超嘅佢有啲疲態，原來佢尋日先喺巴西返嚟，落機冇幾耐就趕去九龍公園出席兩年一度嘅全運會宣傳活動，仲好有耐性咁同啲體育界人士、運動員等握手、影相。唔知係咪攰得滯，佢影相時先突然醒起要除咗副「黑超」，戴番普通眼鏡。

去巴西搞乜？佢話巴西里約熱內盧奧運會四年後舉辦，所以要出席籌委會會議，仲足足去咗成個星期咁多。睇嚟佢去開「奧運會」，出席率可能高過開立法會。