政壇：黃錦輝傳任科技局副局

    • 政圈好關注候任特首梁振英會搵乜人做副局長同政治助理，以重塑公眾對問責官員嘅信心。有傳中大工程學院副院長（外務）黃錦輝會做科技及通訊局副局長，同疑似科技及通訊局局長、理大行政副校長楊偉雄拍住上。據聞佢哋相識近十年，相信必定熟知對方作風，唔知相識多時會否有助黃錦輝脫穎而出呢？

    黃錦輝就話至今未有人正式邀請佢，但佢坦承有業界同朋友都同佢傾過類似嘅問題，佢一直抱住嘅心態係，倘有機會，喺任何崗位服務社會都會考慮。

    原來黃錦輝同候任辦主管羅范椒芬都有淵源，佢哋同時係專業及資深行政人員協會理事，亦係專資會轄下教育小組嘅成員，黃錦輝同梁營中人都幾有緣分喎！