政壇：鄧國威減肥過度激瘦

夕陽政府接連有高官身體出現問題，勞工及福利局常秘鄧國威尋日出席記者會，見佢面形同身形都激瘦，惹嚟一陣患病疑雲。

我哋即時向各方求證，證實只係虛驚一場，鄧常秘應該唔係病咗至咁瘦，據講佢係刻意減肥，由於太過成功，所以睇落至削咗咁多啫！有勞福局中人亦話鄧常秘健康應該冇問題，皆因佢日日照常返工，加上思路清晰，轉數亦快，減肥成功已經一段日子，證明磅數冇反彈，但乜嘢方法咁成功，勞福局老友就冇講嘞！