政壇：證券界選委兩共識保飯碗
明年證券業界首場大龍鳳，睇怕都要數一月十六號喺港交所展覽廳舉行嘅金融服務界選委同特首參選人嘅世紀會面。證券學會會長李細燕話其中一名特首參選人已答應下晝五點同佢哋見面，其他仍在確認時間，幾名特首參選人屆時應唔會同場，而係分開唔同時段同班選委見面，聽佢哋表達意見。
十八名選委主要嚟自七個證券組織同金銀貿易場，但為咗團結一致，經紀為此已達成兩大共識，就係港股食飯要有個半鐘，同埋恢復最低佣金，即係推出佣金二級制。講嚟講去，兩樣嘢都影響到經紀嘅飯碗 ，未來特首唔知點睇呢？
李細燕話暫時已有一名特首參選人答應同金融服務界選委會面。（資料圖片）