政壇：謝鴻興無情逼仔考醫試
醫管局諗出以豁免考試方式聘請海外畢業醫生，醫學會等醫生組織多次炮轟當局唔顧醫療質素。醫學會前會長謝鴻興尋日出席《城市論壇》時大吐苦水，話如果佢哋為自己利益，咁佢應係第一個支持醫管局聘請海外醫生喎！
原來謝醫生位公子，負笈海外讀醫，喺外國受訓，仲符合晒醫管局嘅招聘條件。但正因為咁，佢更加唔可以贊成醫管局咁做，因為自己身兼醫委員成員，有份審批海外醫生執業申請，一旦贊成豁免考試，就等同徇私。但謝醫生一於無情講，叫阿仔考試合格先好返港，結果畀太太鬧咗一餐，話佢唔幫個仔着想吓，但佢話香港成功之道在於相信制度，為捍衞核心價值，畀太太鬧幾句都冇計啦！