SUN熱辣：名人效應一窩蜂追捧
《喬布斯傳》昨日全球同步發售，於多個國家掀搶購潮。理工大學社會科學系助理教授鍾劍華分析，書本熱賣與名人效應有關，他說：「喬布斯係呢個時代嘅象徵人物，有好大影響力，唔少人都用緊佢公司嘅產品，加上佢剛離世，令更多人對佢嘅生平事迹感到好奇，買本書嚟睇。」但鍾劍華認為，部分讀者只是一時衝動才買《喬布斯傳》，事後未必會詳細閱讀。
此外，次文化堂社長彭志銘估計，購買《喬布斯傳》的熱潮或只能維持約兩至三星期，「其實之前有唔少書都有講過關於喬布斯嘅成功故事，只係《喬布斯傳》係第一本獲得喬布斯承認嘅自傳。因為佢離世先令本書特別受注目，估計呢股熱潮肯定唔會維持好耐。」