政情：王梓軒新碟收益賑日本
日本續有餘震，核輻射危機不斷升級，全國人大代表王英偉嘅歌手仔仔王梓軒尋日到電台宣傳新專輯時，透露新碟收益將捐予紅十字會助日本賑災，佢仲會參與由日本著名搖滾歌手Gackt發起嘅賑災活動，佢話：「台灣搵咗王力宏同黑人陳建州做代表，香港就有我。」
佢原本計劃四月底赴日本宣傳單曲，依家要押後至六月先出發，日本唱片公司特意派攝製隊同記者為佢宣傳。會唔會擔心輻射？佢話：「唔擔心，嗰邊叫得我去即係冇問題。」
捐錢之餘，王梓軒仲會參與日本賑災活動。