尋日佢專程去中環店執貨時話，日本大地震當日，公司咁啱有兩批同事喺當地旅行，有個同家姐去咗迪士尼玩，曾經一度同班同事失去聯絡。虞茱迪話：「當時好擔心佢哋，搵咗佢哋一、兩日都搵唔到，返到香港，個同事講番地震當日嘅情況，一路講一路喊，話自己從來都未遇過地震，仲話喊係覺得日本人冇人幫好慘，呢句說話影響我好深。我當時要顧全大局，身邊同事都喊，我惟有安慰佢哋話天災地震預測唔到，但可以盡力去幫！」
虞茱迪喺佢代理嘅LeSportsac同Pylones分店舉行日本賑災義賣日。