政情：四太牛一獲賭王送心
賭王何鴻燊家族嘅分產風波終和氣收場，各房成員重新歸於平靜。尋日係四太梁安琪嘅生日，但下晝佢仲要去澳門開立法會會議，所以去澳門前，佢先到淺水灣道大宅同賭王食晏慶祝。咁賭王送咗乜嘢生日禮物呀？佢笑住話：「咁私人嘅嘢，送個心囉！（又係送心？）送咗一個願望畀我，願望係乜我自己都未知，成日唔同，總之我嘅生日願望係日日都係生日。」
另外，四太長女何超盈尋日喺微博上載一張同媽咪嘅合照，照片中四太戴咗頂英國淑女帽，同超盈並排而坐，兩人視線同望向一方，而超盈更擺出造手、嘟起小嘴，好似喺度唱戲咁，佢寫上：「媽咪今天生日啊！祝她日日開心永遠幸福啦，這張相我很喜歡的，媽難得搞笑。」