政情：張學明被盜名掛橫額

    • 年底舉行區議會選舉，各黨各派早已各出奇謀派人落區備戰。不過，本報收到投訴，指自稱為「灣區居民權益協會」主席嘅沈錦添，近日卻以建仔當區立法會議員張學明名義，喺屯門非法掛橫額，短短十五分鐘步行路程嘅湖翠路竟掛咗多達二十六條橫額，堪稱屯門奇景。

    我哋向張學明方面反映居民的投訴，佢哋即時認衰並指示地區幹事以後要小心處理街板問題，但同時又反指政府依家提供嘅街板位置嚴重不足，令地區人士難以透過街板向市民交代清楚佢哋嘅工作，希望當局加多啲街板位。

    最搞笑嘅係，以張學明名義掛橫額嘅沈錦添卻聲稱，自己同對方並冇關係，冇「跟過佢」之餘，亦冇話過會參與任何選舉，話掛橫額只想話畀街坊知自己嘅工作喎。

    Money18 新功能「18好路數」為你預測心水股票升跌機會率

    沈錦添以張學明名義喺屯門非法掛橫額。