政情：郭志怡開完餐廳做餅店
前晚喺《Giving Back》慈善首映禮遇見到名媛Bonnie郭志怡，問起佢間餐廳Sevva會否開分店，佢就話間餐廳生意真係好好，本來都想開分店，但依家啲租好貴，所以遲一步先啦！咁生意有冇受到日本地震同輻射影響？佢話餐廳唔多日本食材，主要係嚟自澳洲同本地嘅有機食材，但日本地震對很多人都有影響，又話：「始終日本發生咁大件事都好擔心，其實輻射對其他地方影響都大，覺得好心痛！」
雖然餐廳暫冇計劃擴充，但就會開新餅店喎！佢話：「間餅店叫Ms.B'Cakery，因為我間餐廳都有賣蛋糕，但太受歡迎，啲定單接唔切，所以就有開餅店念頭，預計四月尾開！」
郭志怡話佢間餐廳都有賣蛋糕，但定單多到接唔切。