政情：陳碧鏵幫無綫海外吸金

    • 因八達通「賣料」醜聞孭鑊落台嘅陳碧鏵，雖然冇咗行政總裁個位，但禍兮福所倚，轉個頭又搵到新工。

    東方電視
    更多新聞短片

    喺爆出醜聞後，前言不對後語變成箭靶嘅陳碧鏵，誠信受到公眾質疑，但佢畀人勁鬧都可保持冷靜，喺鏡頭面前對答不慍不火，EQ高到爆晒燈，傳聞TVB「六嬸」方逸華好欣賞佢，仲撬佢過檔添！

    傳佢入無綫嘅消息都有一段時間，電視廣播有限公司尋日發新聞稿，宣布委任佢做國際業務總經理，新聞稿仲話佢曾喺多間著名企業做過要職，並以「成績突出」嚟形容佢嘅表現。聽無綫中人講，陳碧鏵主管TVBI，發揮佢度橋嘅強項，將電視劇、綜藝節目等等包裝之後賣畀海外買家，務求幫電視台不停吸金。

    Money18 新功能「18好路數」為你預測心水股票升跌機會率。