政情：翁以登化身科大抽水機

    • 香港總商會前行政總裁Eden翁以登舊年年底投身科大，出任新增設嘅副校長，負責大學拓展工作，就算喺新春期間佢都好積極做嘢㗎！做乜？四圍「派片」囉！

    日前收到Eden嘅「拜年信」，內附一張新卡片，佢喺信中介紹自己嘅往績，包括幾年前曾任職星巴克副總裁，將飲咖啡文化帶進內地。

    Eden突然棄商從「教」，商界口痕友都嘖嘖稱奇。諗真啲，又唔難理解噃，事關佢份新工要專責籌款，即係四圍撲水。如今幾間大學各出奇謀吸水，搵猛人捐錢係指定動作，但人面唔夠、公關手腕同牙力弱啲，想搵人關照都難。Eden喺政商界人脈廣，又曾擔任海洋公園、醫院管理局同港府策略發展委員會成員等公職，睇嚟呢份新工都好啱佢。

    Money18 新功能「18好路數」為你預測心水股票升跌機會率。