春雨綿綿，雨點、濕氣遇上空氣中的灰塵，容易黏附在車身表面，有礙觀瞻。故此在洗車過後，最好做多一層車身鍍膜，令車身回復光亮，而且不易黏塵又跣水，效果持久，成部車當堂醒神晒！坊間提供的車身鍍膜服務，動輒千元至數千元不等，想划算的話，其實可以DIY，買支車身鍍膜，$200左右有交易，自己動手經濟又實惠。
Step 1：車身除塵去垢
進行車身鍍膜前，第一件事當然是為座駕洗白白，清除車身表面所有污垢和灰塵，以下用品就係好幫手︰
纖維洗車擦 $69
擦頭採用柔軟而吸水力強嘅超幼細纖維物料製成，加上長膠柄設計，洗埋車頂都仲得。
車身清潔劑 $79/1.2L
採用3M專用無磷環保配方，潔淨力強，有效去除表面油污、粉塵、落葉及鳥糞等穢物，但唔會破壞車身保護蠟，事後仲會散發淡淡嘅茉莉花清香。
強力吸水布 $75
面積為690×430mm，最重要係吸水力特強，洗車後用嚟抹乾車身表面嘅水珠。
多用途洗車手套 $75
柔軟嘅纖維布料，去污力及耐油性都特別高，手套設計分外易用，而且一套三件，分黃藍青三種顏色，適合分開做洗車、做鍍膜及擦拭內籠之用，唔驚會撈亂。
Step 2：鍍膜可噴可抹
洗完車，就可以進行車身鍍膜，坊間有售嘅相關眾多，有啲係液體狀，有啲係噴霧狀，功效相若，進行前要準備埋一塊乾淨嘅抹布︰
車身鍍膜液 $198/300ml 車身鍍膜噴霧 $198/300ml
兩者都係喺洗車後，噴或搽抹於車身表面，然後風乾，就會形成一層光亮嘅保護膜，可以保護車漆表面及蠟面，具有跣水、防塵作用，令車身冇咁易黏塵及回復光亮，而且效果持久，一支就夠用六至八次。
Step 3：燈罩車輪勿疏忽
做完鍍膜，車身立立令，但係頭燈連埋四個轆就暗啞無光，觀音頭掃把腳，點見得人？以下法寶即刻幫你執番靚部車︰
燈罩去黃劑 $68/80g
增強透明度，令頭燈回復明亮醒神，而丙含抗紫外線成分，有助預防陽光造成嘅損害，適用於頭燈罩、尾燈罩及側窗雨擋，一支足夠八部車用。
輪胎保護液 $98/473ml
利用海綿將適量嘅保護液搽抹於輪胎表面，輪胎即時回復新淨，兼且有效預防輪胎老化。
輪圈保護噴霧 $59/198g
適用於已洗淨及乾透嘅輪圈表面，形成一層保護層，阻隔煞車時嘅塵粉、馬路泥塵及污垢，令輪圈長久保持潔亮。
Step 4：KO車廂大功告成
車身變番靚仔，不如一次過清潔埋車廂，想再企理啲，大可用埋吸塵機幫車廂吸塵，至於座椅就要靠專用清潔及護理液幫手︰
絲絨清潔劑 $65/510g
有效去除各種污漬，內含ODOR-X可以消除多種異味，使用時可先用吸塵機吸走絲絨座椅嘅表面污垢，跟住搖勻及均勻地噴喺座椅表面，利用瓶蓋上嘅刷頭輕擦至泡沫消失，再以微濕嘅抹布擦拭即可。
皮革清潔劑 $98/450ml
有效清除皮革上各種頑固污漬及油漬，令皮面回復光亮，而且含蘆薈成分，有助令皮革變回軟腍，兼有防紫外光功能，保護皮革免被陽光曬至老化或龜裂。
產品查詢：2391 0370（AES）
產品查詢：2391 0370（AES）
SPEC
車型：五門七座位SUV
引擎：直四
容積：2,360c.c.
最大馬力：170bhp/6,000rpm
最大扭力：22.4kgm/4,500rpm
驅動：前置引擎、前輪驅動
傳動：六前速自動波
售價：$298,000起
查詢：2960 9288（太古汽車）
Konnie
