對手機愛好者而言，醉人的酒紅色向來擁有非凡的魔力，若再加上明快利落的曲線Cutting，更是妖、媚、型、騷兼備，必定搶盡風頭。LG新到的水貨手機G Flex 2便有齊以上特點，而且鍍膜機面更懂得自動修復，令它猶如一杯Full Body紅酒，色與質兼備。
LG G Flex 2 $6,980
手機正面看有點像G3，介面亦一模一樣。
手機微微彎曲，今代抗壓力更提高不少，難以壓平。
背面設鏡頭及補光燈，Rear Key操作更比同設計的G3順手。
酒紅機背具有拋光質感，造工一流！
SIM卡以外還可更換microSD，美中不足係未能換電。
附送QualBeat 2耳機，隔音及低音效果不錯。
G Flex 2（上）畫面較細緻，iPhone 6（下）則亮度和色準較佳，各具賣點。
厚度僅7.1mm，以5.5吋大芒機來說好纖薄。
睇戲畫面立體感極佳，快速動作更保持流暢，煲戲一流！
《Antutu》跑分高達45,224分，若改用3GB RAM相信會更勁。
支援Smart Cleaning功能，可清除暫存檔案以騰出空間。
多重視窗當然不少得，而且效率極高，完全無窒。
提供基本執相功能，單是濾鏡便多達15款。
極速自愈
去年面世的G Flex是全球首部彎芒手機，甫推出已震撼業界，事隔一年，其第二代終於現身。跟上代一樣，G Flex 2同樣採用由上至下的曲芒設計，不過屏幕就由6吋變成較細的5.5吋，令機身縮細的同時，彎曲程度亦有所減少，比之前如象牙般的機身，今代明顯更貼臉、更好拎。機背則有銀灰及紅色兩款選擇，後者用色貼近酒紅，表面有同心圓及拋光感，小記夠膽說是史上造工最靚的機背。另外，今代的表面繼續有特殊鍍膜覆蓋，提供自愈能力，微細刮痕隔一陣便會自動消失，廠方指修復時間由上代的3分鐘大幅減至10秒，只可惜指紋問題仍然嚴重，若能一併改善就更好。
高清抗壓屏幕
新機屏幕雖然縮小了0.5吋，但對角線依然長達138.7mm，配合彎曲設計，觀感一點也沒有被削弱。小記以《Avengers︰Age of Ultron》預告片測試，發現曲芒予人一種大銀幕般的感覺，眼睛很容易聚焦到中央，而且快速打鬥畫面都沒有鬼影出現，可見更新率很高，睇落亦比傳統直芒手機有立體感得多。另外，今代解像度由720p提升至1,080p，連帶P-OLED面板也解決了偏藍問題，畫面更細緻像真。據知今代屏幕的抗壓性更提升了20%之多，難怪小記用盡力都不能將之壓平，放喺褲袋就唔驚一坐就爆！
八核新處理器
此機叫價$6,980，曲芒固然係原因，頂級規格亦是因素之一，它採用了Qualcomm最新Snapdragon 810處理器，八核心架構兼64bit，《Antutu》跑分高達45,224分，仲勁過M8、S5等一代機王，美中不足係得2GB RAM，以價錢來說3GB RAM會較為合理。系統方面，預載了Android 5.0 Lollipop，並採用跟G3類似的自家製介面，有齊記事用《Q Memo》及遙控《Q Remote》等工具；最重要是它原生已提供繁簡中文介面，又兼容本地4G網絡，用落同行貨機完全沒有分別。
SPEC
制式︰GSM、WCDMA、LTE-A
處理器︰Snapdragon 810八核心
記憶體︰2GB RAM、32GB ROM；支援microSD
屏幕︰5.5吋P-OLED（1,920×1,080解像度）
鏡頭︰前置210萬像素、後置1,300萬像素
對外連接︰藍芽4.1、microUSB、Wi-Fi ac
電池容量︰3,000mAh
作業系統︰Android 5.0
體積︰149.1×75.3×7.1~9.4mm
重量︰152g
查詢：2374 0618
Gilbert
