HotCha參觀工場首嘗高纖•低糖新飲品

不少人小時候都到過活性乳酸菌飲品的製造工場參觀，

自認由細飲到大的頭號粉絲HotCha最近重遊舊地，

不但見證了「一百億」的誕生過程，

還率先試飲了同廠即將推出的新產品。

HotCha話︰「新產品味道不變，但就變得高纖低糖，

啱晒Keep Fit人士飲用。」

小妮子們更話要介紹畀身邊的OL朋友，

齊齊做個健美80後。

舊地重遊，HotCha到了實驗室、生產線等參觀，在專人從旁講解下，看着一支支的活性乳酸菌飲品，由入樽、包裝到冷藏，勾起不少童年回憶，各人亦因此興奮不已。Winkie謂︰「我記得小學三年級時來過參觀工場，當時有嘢飲又有文具送，好開心，所以好難忘。細細個時，我就好鍾意飲呢種活性乳酸菌飲品，甜甜哋又健康，媽咪都好鼓勵我飲，佢有時仲會放喺冰格急凍，味道好好，搞到我成日同細佬爭飲。」

瘋狂愛上空樽多至做勞作

相比Winkie要「爭飲」，Crystal就幸福得多︰「我記得上一次參觀係幼稚園時候，嗰次並非大埔新廠，而係觀塘偉業街嘅舊廠房。只是那時年紀實在太小，無咩印象，但我記得小時候媽咪都會放好多排落雪櫃，我最厲害係包裝膠紙都唔拆，直接用一支飲管逐支飲。」她更說會考時，情況更誇張，邊溫書邊飲，結果空膠樽多到可以送給親戚做勞作。而最有趣係Winkie飲極都唔肥︰「每次飲完，腸胃同精神都好咗好多，所以依家依然Keep住飲。」

重遊舊地溫故健康知識

現在長大了，再參觀工場又有何感受呢？年紀最輕的Regen話︰「雖然細個嚟參觀，覺得好開心，但不少東西都聽唔明，淨係記得呢度很乾淨、很有規模。今次重來，感覺依舊，但就終於明白講解內容，好似活性乳酸菌可幫助維持腸道健康等等，加上看到不同產地不同的益力多包裝，猶如上了一堂活性乳酸菌的歷史課。」Crystal補充說，工場有得飲又可增進知識，建議大人有空也要來參觀一下。

追求健美從流質開始

女孩子都追求健康美麗、身形苗條，HotCha工作繁忙，但也不忘健美的重要性，Winkie愛做瑜伽，既可減肥，又能紓緩身心; Crystal及Regen就愛跑步做健身器械，尤其太空漫步機︰「呢啲健身機佔地少又容易操作，每次做完都會大量出汗。我哋習慣一星期做4、5次，Keep住做，能增強心臟血管健康，並且令臀部、大小腿同腹部變得更Firm更結實。」運動以外，飲食又有沒有地方需要注意的呢？她們不約而同答道︰「好多女仔為咗減肥就唔食嘢，但其實咁做好唔健康。其實只要多做運動，再配合均衡飲食即可，例如多吃蔬菜、小麥等高纖食物就能夠Keep Fit！」Winkie更指出很多女仔都怕吃東西會肥，既然如此，她建議由流質開始，選一些高纖低糖的健康飲品就是最佳例子。

全新包裝高纖低糖更健康

香港人生活緊張繁忙，常以快餐果腹，加上長期多肉少菜，久而久之令腸胃就不適，腸內害菌繁衍，影響腸道健康。而缺乏膳食纖維，更容易引發便秘及各種嚴重疾病如腸癌等。為此活性乳酸菌飲品最近加入高纖低糖元素，原先的活性乳酸桿菌可增強腸臟蠕動、抑制害菌繁殖；新增的膳食纖維則能保持及促進腸內益生菌生長的物質，並能穩定血糖，以及紓緩便秘等問題。

HotCha今次參觀工場，幸運地率先試飲了這款全新的活性乳酸菌飲品，Regen說︰「呢款新產品依然咁好味，但就變得高纖低糖，真係飲多多都唔怕，我已經準備大量入貨！」甚具潮流觸覺的Winkie則留意其新包裝︰「由細到大見佢都係紅色蓋掩，依家變成綠色蓋掩加綠色招紙，就好似換咗套新衫一樣，感覺好Refreshing！」