市場徐想：3G變4G藍海變紅海
以前電訊公司為佢哋嘅3G流動數據業務想盡辦法，但搞極都係半紅不黑。但今時今日，流動數據業務已經成為流動電訊商嘅核心動力。
不過，隨着有內地流動電訊商推出「平絕全港」嘅4G服務後，數碼通（00315）亦宣布，旗下所有3G服務套餐都會自動升級為4G，而月費照舊，即係變相減價，藍海又隱約有變紅海嘅趨勢，走唔出減價戰嘅宿命。
如果要喺呢個逐漸染紅嘅藍海生存，流動電訊商必須要具備一些特質去區別（differentiate）自己，係月費最平？速度最快？還是上網最流暢？只有清晰定位，先至搵到自己嘅空間同價值。
