鄭浩南（左起）、任達華、吳鎮宇及譚耀文面向大海，1、2、3，射呀！
任達華拍戲公然小解！華哥與鎮宇等幾位型男拍檔「肉帛相見」，不過他揚言絕無尷尬：「最辛苦其實係忍尿囉！」
華哥和鎮宇等均同期出道，拍電影如老友聚舊般開心！
被困警車的思漩及姜皓文露出痛苦表情。
華哥與吳鎮宇、鄭浩南及譚耀文合拍英皇新片《衝鋒車》，扮演賊人的他們最終決定「替天行道」，協助警方破案！導演劉浩良深刻描繪4人的兄弟情，其中一場戲更安排他們齊齊對着大海小解，想不到四人竟然「嚟真」﹗
隊一公升水死忍
華哥昨日接受電話訪問時說：「事前半粒鐘我哋各自隊咗1公升水，飲到胃脹兼真係尿急，拍嘅時候大家咪鬥吓邊個射得遠囉。（唔尷尬？）又冇喎，大家男人嘛！雖然今次拍攝過程幾辛苦，不過又真係好耐未試過開工開得咁開心喇！」一向懂養生的鎮宇更趁等埋位時，在海邊打坐禪修。
保齡球戲呻辛苦
至於4人用保齡球技術令「悍匪」姜皓文落網一幕，華哥直言拍得相當辛苦：「啲保齡球好重，攞嚟做『武器』唔係咁爽，要好識得用力，好彩冇扭親手咋。」事後華哥等拿着保齡球與道具警車合照，期間更對着鏡頭狂擺甫士鬥Chok，令人忍俊不禁！
影視組
