思欣心痛到喊范振鋒自責唔醒水

范振鋒（Ricky）上周六凌晨與呂姓鄰居在寓所樓下發生肢體碰撞，搞到面腫兼右眼爆微絲血管，昨天是他首日返回黃埔新城電台開工。問到太太李思欣有否因心痛他而喊？Ricky說：「有呀！（飛來橫禍好唔抵？）都冇得咁諗啦！都怪自己唔醒目，冇留意周圍環境，應該遲啲落車或者叫司機兜去另一個位落車。」他現急覓新居，提到好友Bob願意將正放租的風水屋免租三個月租給他？Ricky笑說：「未收到佢私訊講喎！如果係真都好多謝佢，就算唔去住都多謝佢。」前晚Ricky收拾心情和太太到紅館看吳國敬作品展，而思欣亦在微博留言感謝大家的祝福。