吳國敬紅館開騷，成功碌爆人情卡，邀得一眾天王天后力撐。
吳國敬入行30年開紅館作品展，碌爆人情卡，邀得一眾天王天后現身力撐！當中陳慧琳除大讚阿敬將自己的音樂事業推上高峰外，蘇永康則指阿敬的無心插柳卻令他爆紅！
梁漢文（左起）、張衞健、吳國敬、許志安及蘇永康，在台上大爆辛酸往事。
吳國敬與Kelly手拖手合唱，還繞場一周。
Chilam及黎瑞恩力撐阿敬開騷。
黎瑞恩
吳國敬一連兩場《敬．愛音樂30載作品展音樂會》前晚於紅館開鑼，邀得一眾天王天后擔任嘉賓，包括陳慧琳（Kelly）、BIG FOUR、張智霖、黎瑞恩和太極等。演唱會先由張衞健唱出阿敬的經典金曲《我說過要你快樂》打開序幕。阿敬坦言自入行來做過兩次紅館騷，還大講辛酸史，因不懂任何樂器和看樂譜：「當初《我說過要你快樂》以為鹹魚翻生，點知曇花一現！」
張衞健爆借身家
演唱會中段，Kelly以一襲黑色Low Cut裙出場，露出香肩，她表示無論阿敬開多少場都會力撐，自言正籌備新碟的她還公開向阿敬邀歌，更說：「阿敬嘅作品將我嘅音樂事業推上最高峰！」兩人更手拖手合唱其金曲《對你太在乎》。其後張衞健即大爆多年前因經濟拮据曾向阿敬借錢：「當時佢得一千蚊，借咗一半身家畀我！」
蘇永康無心插柳
直到蘇永康現身時，阿敬表示一次的巧合卻令蘇永康爆紅，還登上紅館：「98年佢有次好嬲話畀人Reject歌，當時陳奕迅聽頭兩句已經出咗去煮麵，一半時許志安玩手指，聽完晒係感覺到烏鴉經過，嗰陣我就要咗，收嗰陣都冇諗過咁好成績！」
蘇永康繼而唱出《越吻越傷心》，全場拍手！到Encore部分，張智霖突從台中間升上來，還要求跟阿敬自拍。最後，阿敬講到以前半紅不黑，希望日後有人會記得自己，然後全場觀眾大合唱唱出《我說過要你快樂》，為演唱會畫上句號。
音樂組
