范振鋒大前晚於寓所樓下涉嫌與一名男子打架被捕，休息一日後他隨即復工，昨晚為活動擔任司儀的他雖有化妝補救仍難掩面上傷勢，除右邊面腫外，右眼布滿血絲，官仔骨骨的他慘變鴛鴦面！當黑的他指身體仍然疼痛，更直呼要盡快搵屋搬！
涉嫌打架被捕的范振鋒，經過一日休息後眼腫面歪現身。
李思欣擔心於晚上獨自歸家的安危，希望盡快物色新屋搬竇！
范振鋒指現正居住的青龍頭治安較差。
藝人范振鋒（Ricky）大前晚於青龍頭豪景花園寓所樓下，跟呂姓男子發生口角繼而動武，他倆涉嫌在公眾地方打架被捕。前日留家休養的他昨晚復工擔任新城電台活動的大會司儀。現場見Ricky的面傷明顯，化妝後仍清楚看到右眼微絲血管爆裂通紅，面頰腫了起來，導致鴛鴦面。問到傷勢如何？他表示身體仍感到痛楚，並指着右邊身說：「初頭以為輕傷，但後來好痛先發現傷勢嚴重，都會再睇醫生同覆診。」
他亦藉此感謝朋友提供去瘀古法，問到太太李思欣會否心痛？他說：「佢心痛，但我心痛佢心痛我！可能我飲咗酒導致警惕唔到。」並指當時身在車上，遇到失控人士亦未能躲避。問到會否盡快搬屋？他揚言會加快進度：「一直都想！交通唔方便同埋唔安全。」又笑言要盡快購買吉祥物。
盡快搵屋搬
而Ricky昨午接受電話訪問時顯得有神冇氣，談到電台拍檔林盛斌笑他行靚仔路線時，他笑說：「靚乜路線？都幾十歲人！」他感激家人、朋友及圈外朋友慰問，並有法律界及警界的朋友主動給予意見，至於為何不多作休息？他透露因早前已接下大量工作，加上要開拍電影未能停工。
涉嫌與Ricky打架的男子原來是居於樓下的鄰居，他慨嘆無法逃避：「我係受害者，如果佢要搵我，一定搵到，搬都冇用，香港咁細！但香港係法治之區，單案警方又調查中，所以唔太擔心。」
太太怕夜歸
其太太李思欣昨日坦言擔心晚上獨自歸家的安全，又聲稱若時間許可會跟老公回家，沿途會通電話提高警覺。談及會否擔心人身安全？她說：「都有少少擔心，但又做唔到啲乜，依家都交咗畀警方處理。」她表示會物色新屋，最緊要環境舒適及安全，並指稍後會拜神求平安：「我哋今年都沖太歲，或者擺番啲嘢咁囉！」
范振鋒大前晚遇襲時聲稱因自衞而向對方還擊，黃國桐律師表示：「如果證明到佢真係合理自衞嘅話，佢唔會有任何判罪！」問到范振鋒可否控告對方？他說：「如果對方真係打傷佢嘅話，當然可以啦！（可以點做？）佢可以申請民事訴訟。」
音樂組
