東網電視
更多新聞短片模特兒鍾采羲（Iris）作為影壇新人，羊年希望大展拳腳做笑匠！自認有喜感的她不會刻意收起「Big爆」身材，實行邊Sell性感邊搞笑：「之前都拍咗兩套笑片，希望之後試多啲搞笑愛情片，本身個人都幾有喜感。想試吓拍《我的野蠻女友》呢一類戲，題材搞笑，唔係三級片就得，不過我又覺得唔需要特別收埋身材，着衫包到上頸。」
Iris不會刻意收起「Big爆」身材，實行邊行性感邊搞笑！
作為新人的她更相當「大貪」，志在過戲癮之餘，更想發揮玩樂的天性拍攝旅遊節目：「我係玩同食嘅專家，想試吓做飲食同旅遊節目。（怕唔怕變杜如風成為話題？）身邊嘅朋友都話好笑喎！最緊要娛樂到觀眾，去冒險食蟲，我都冇問題。」另外，自認以前被愛情沖昏頭腦的Iris誓言要事業為重，唔急於脫「獨」：「暫時都係單身，之前掛住拍拖唔做嘢，真係好唔應該，搵到啱嘅對象之前都會努力工作。」
