東網電視
更多新聞短片新一年來到，林峯即席揮毫寫毛筆字，祝各位《太陽報》讀者「峯生水起」。肖羊的阿峯今年為本命年，他表示會去攝太歲，但不擔心會因而影響事業，更分享了工作大計：「月初去美國錄音，3、4月會喺內地拍武俠劇，同埋有幾部電影都傾緊！」實行歌影視三棲。阿峯希望能在大銀幕作更多嘗試，可以更盡情地演繹：「電視入面可能會有啲精神分裂嘅角色，但去唔到咁盡，同埋監製都唔會搵我去演呢啲角色，所以希望有多啲大家未見過嘅一面！」他又謙稱覺得仍有很大進步空間：「無論音樂定影視嘅嘢，係呢世都學唔晒，因為時代唔同，觀眾口味都唔同，好多演繹上嘅嘢係冇一個標準，所以要不斷尋求突破，呢個亦都係演員嘅滿足感嚟！」
林峯即席揮毫，有板有眼。
林峯祝《太陽報》讀者「峯生水起」。
周秀娜（左起）、吳千語及毛舜筠日前接受訪問，互相分享新年願望。
另一方面，林峯女友吳千語、周秀娜及毛舜筠日前接受無綫娛樂新聞台主播許文軒訪問，眾人一起食盆菜，分享新年願望。毛姐笑言要在新一年學好普通話，而單身的娜姐則希望專注事業：「我依家單身，唔諗拍拖住，想專心事業，想拍一啲以女仔為題材嘅戲。」而蜜運中的千語則大唱反調，希望工作感情兩得意。
