詩詠穿心形設計長裙現身，不時甜笑。
洪永城早前開到口追求唐詩詠，現時獨欠詩詠首肯，昨日詩詠出席商場情人節活動時，一臉春風指已獲對方邀請情人節約會，還大讚對方是不錯的選擇，詩詠開晒綠燈，看來洪永城今次十拿九穩，奪得美人芳心！
洪永城
詩詠同小朋友咀嘴，唔通愛情得意心情特別靚？
傲芝（左）與傲兒均性感到場，但齊齊否認有男友。
唐詩詠、何傲兒與何傲芝昨日出席商場情人節活動，雖然傲兒低胸上陣，但也不敵被洪永城力追的唐詩詠，以白色女神Look露長腿搶鏡，活動期間，三女獲小朋友送花，詩詠更與小朋友拖手兼嘴對嘴！
春風滿面的詩詠，被問到洪永城公開表示會邀約度情人節，她透露已收到對方WhatsApp，但仍認為當日應約很危險。問到是否已蜜運中？詩詠靦腆地說：「咁佢係一個幾好嘅選擇，以後唔知，睇吓啦！抱住樂觀心態。（係咪要等埋有冇其他男仔約先揀？）佢講到咁，都唔會有選擇嚟啦！（買禮物畀佢？）唔會，冇準備。（朱古力？）咁快！叫佢買盒自己食啦！」
感情似燉湯
詩詠表示感情事未受公司壓力，所以會慢慢選擇：「啲湯燉吓好，如果滾湯就唔好搵我，呢個年紀睇長遠。（你哋日日有溝通？）唔話你知，總之係良好進度，2015年要事業愛情都勇敢啲！」又表示未想過永城會送甚麼禮物，認為收禮物壓力大，問到是否想有人為她下廚？她笑說：「如果有人為我煮梗係想。（漫步沙灘？）留畀黃翠如啦！」
何傲兒減肥覓愛
而傲兒與家姐傲芝雖然各有「男友」，但仍然統統否認，還預告情人節與家人過，問到會否期待收情人節禮物？傲芝說：「會準備禮物畀妹妹。（唔同男友過？）冇所謂，同家人過已經好開心，唔諗呢啲住，大師話我上年麻麻哋，所以期待今年，聽講肖鼠係富豪，所以要努力啲。（做乜唔認拍拖？）未有呢件事，要搵個照顧自己過世嘅人需要時間！」傲兒亦表示要專心工作，近日接了瘦身廣告要積極收身：「減咗先有人要！」
影視組
