亞視藝人筱靖、楊玉梅、o靚模伍淑怡與綠魔Karl昨日錄影亞視午夜新節目《女人不設防》。伍淑怡在節目中大爆曾於一年內背着男友「偷食」六次，又試過陪朋友召男妓，並說：「五百蚊一個人。」

YoYo揚言曾陪朋友召男妓，真係信不信由你。

筱靖（左起）、楊玉梅、Karl與YoYo錄影節目時大談敏感話題。

身為嘉賓的伍淑怡（YoYo）昨日錄影節目時，坦言會有話直說，不擔心影響形象，她自爆曾召男妓：「有個朋友離婚心情唔好，所以有陪過佢去『叫泰仔』，五百蚊一個人，但我去到淨係叫佢哋走開。」她又指有以性用品去水腫：「我有用過震蛋放喺淋巴位去水腫！」此外，她又自爆曾於一年內背着男友「偷食」六次。

筱靖鍾意「明」食

楊玉梅則笑言自己年輕及外貌不差，又有不少追求者，故不需浪費金錢召男妓，但也曾聽聞內地有女星包養男妓，更會出錢捧「鴨仔」當男主角。問到筱靖有否試過「偷食」時，她笑說：「我都係鍾意明食多啲！（接觸過性玩具？）喺節目中介紹過，但自己唔需要用。」對於亞視的財政及前亞視高層盛品儒的緋聞，筱靖說：「打工仔當然擔心冇糧出，喺公司算係同一屋簷下，唔驚得咁多，都明白公司經濟唔穩定，會咬緊牙關，但都希望下個月唔會再有同樣情況啦！（知道盛品儒暗溝o靚模？）佢性格一向係咁，識佢嘅人同朋友都唔會對呢件事Surprise。（盛品儒想箍煲？）箍到嘅話都希望佢成功，但感情係要講雙方嘅誠信。」