沈震軒默默「奸」耘

金髮、留鬚及粗眼線已成為沈震軒的標誌，他坦言做奸角後有新開始，今年憑《喜愛夜蒲2》角逐金像獎「最佳新演員獎」的他，或有機會於今年勇闖樂壇！

沈震軒去年憑《喜愛夜蒲2》在電影圈嶄露頭角，片中有「蘭桂坊USB」之稱的他咀女咀到出晒位，入型入格的演技更令他有份角逐今屆金像獎「最佳新演員獎」。拍無綫處境劇出位的他坦言，2011年首次在劇集飾演奸角「爆燈」後，令他在演藝事業上有新開始：「多咗人識，出到街連小朋友都認得我。做奸角反而令觀眾更印象深刻，我都估唔到。我都鍾意做奸角，有得玩又有得發揮。」

金髮、留鬚及粗眼線粗獷邪氣Look能成為標誌，沈震軒應記一功。曾修讀平面設計的他有份設計造型，他說：「拍《法證先鋒》時想做一個有型嘅便衣，於是留晒鬚、襯晒衫返去畀監製睇，好彩最後導演都Buy！」

歌影視三棲

雖然沈震軒留鬚的外形甚具霸氣，但其實他亦有文靜一面。熱愛音樂又有6年跳舞經驗的他，早前加盟黃柏高（Paco）旗下的太陽娛樂文化，實行歌影視三線發展！