蔡少芬阿澤插爆躁行

對於劉蔚萱被田雞袋笠頭受驚喪喊事件，引起圈中不少回響，蔡少芬、杜汶澤和袁彌明等插爆導演，力斥行為令人討厭！

曾於亞視跟張永豪合作的杜汶澤說：「對待新人要有耐性同方法，如果唔識教咪唔好做導演囉！呢個係佢嘅工作嚟o架嘛！其實當年佢做PA都經常講粗口同脾氣唔好，如果搞我老婆，唔止上C1，肯定上A1，因為我會殺人。」

曾被指遭張永豪「開火」蒙嘉慧說：「以前嘅唔好講嘞！不過我今日睇新聞同條片時都O嘴，呢樣嘢係要正視嘅！好明白每個人都有工作壓力，但情緒大家都要控制吓，尊重大家都係個人，大家都有尊嚴嘅！」

蔡少芬：「很驚訝，怎會這樣對待人，更別說女孩了，就算新人也應尊重，這導演的行為，實在不知所謂，令人生厭。」

袁彌明：「叫個女仔搵我，我陪佢去報警啦！係咪癲o架？我覺得要炒咗個導演囉！」

黎耀祥：「之前有同呢個導演合作過，不過我冇犯錯，冇畀人鬧，有經歷過畀前輩鬧，依家唔會鬧新人，不知幾錫，會體諒、畀時間佢哋，唔好嚇親人。（你做新人有冇畀人用粗口鬧過？）粗口都係呢行溝通方法。」

鄺文珣：「看過Video，導演解釋話佢自己只係惡咗少少？真的好彩有人拍到。」