薛芷倫黐大隻佬狂歡醉趴街頭

Ball后薛芷倫（Fanny）前晚與一班早前為美國時裝品牌宣傳的半裸外籍大隻猛男到中環夜蒲，怎料仆倒離場。約凌晨時分，穿緊身白色吊帶背心及短裙的Fanny，在其中一名大隻仔陪同下到場，兩人沿途有說有笑，上樓梯時亦互相攬腰，態度親暱！大隻仔亦全程笑到見牙唔見眼，即使記者拍照，二人都大方任影，其後步往附近夜店。Fanny在場內豪爽地開香檳請一班大隻仔暢飲，期間巧遇好友蘇民峰及其女友，而Fanny與一位大隻仔不停耳語。

玩得盡興的Fanny離開時不慎跣腳跌低，在旁的蘇民峰與女友即扶起她，結果連其女友都跌低。昨日記者致電蘇民峰，問及Fanny跌低一事，他說：「佢飲醉酒，都行唔穩，我都好醉冇揸車，所以叫司機車埋佢返去。」而Fanny則透過好友鄭紹康回應，指因街道濕滑才跌倒，現已無大礙。