陳偉霆暗號防「乳牛」

陳偉霆（William）昨日出席活動，自爆曾因上癮打通宵機，慘被公司下禁制令：「最近都有打機，一玩就唔停手。（同女友蔡卓妍一齊？）好少同佢一齊打機，但佢唔會因為我掛住打機冇理佢而詐型。」最近不少小生被內地「乳牛」圍攻，將到內地宣傳新碟的William向女友派定心丸：「絕對抵擋得住誘惑，個心只會諗住做嘢。（住酒店畀女仔敲門？）有經理人同助手，我哋開門要講暗號，人哋敲門我哋唔會應。」已有六舊腹肌的William笑言仍要努力操弗。