靚佬湯寶貝女 兇神惡煞唔畀拖

湯告魯斯（Tom Cruise）的掌上明珠蘇莉（Suri）經常不肯走路，要父母抱抱，日前蘇莉又「公主病復發」當街黑面發脾氣，不准阿媽拖手。

近 期頻頻被影到湊女出街的「靚湯嫂」姬蒂賀姆絲（Katie Holmes），連日來繼續與寶貝女「出巡」。已6歲大的蘇莉仍經常要父母抱出抱入，認真不該！而大前日，姬蒂帶女兒去戲院睇動畫新片《勇敢傳說之幻險森林》（Brave），但蘇莉竟將家中的玩具、公仔、糖果及毛氈等一手抱入懷帶去睇戲，令姬蒂冇晒符！

母女裝出巡突玩變臉

翌日，姬蒂與蘇莉以白裙的母女裝出街食早餐，搞鬼的蘇莉對住狗仔隊鏡頭一時風騷笑晒，一時玩「變臉」，黑口黑面發脾氣怒睥狗仔隊，更自己行在前頭，不肯讓媽咪拖實。

靚佬湯寵壞囡囡，其好友韋史密夫（Will Smith）夫婦亦十分縱容千金葦蘆（Willow）！已加入樂壇的葦蘆有書唔讀只顧換形象，繼早前剷光頭及多次換髮色後，11歲的她日前更穿脷環，並與友人將自拍照放上網！據知葦蘆此舉沒有問准父母，但根據加州法例，凡為小童穿脷環均屬違法，難怪有網友批評韋哥及老婆珍達娉琦（Jada Pinkett Smith）是差勁的家長，未有好好管教女兒。