湯盈盈：飲嘢一定坐的士
傑仔涉醉駕，同場的呂慧儀、官恩娜（Ella）及炎亞綸議論紛紛，酥胸半露的呂慧儀說：「我唔評論佢，最緊要個人冇事，公眾人物應該小心，我會引以為鑑！」至於Ella則說：「睇新聞知佢個人冇事，託賴！（醉駕係咪唔啱？）咁難答嘅！大家都唔希望發生呢種事，我揸咗兩年車，都少咗去Party，我諗成年人會識諗！（藝人樹立壞榜樣？）聖人都有錯，好彩冇人受傷！」炎亞綸則說：「我向來愛喝香檳，但由細到大都覺得飲酒便不可駕駛！」
另一邊廂，曾犯醉駕的湯盈盈昨日出席活動時說：「我同蔡一傑唔熟，冇一齊玩！好彩佢冇撞到人，我當年撞到人要賠償，律師仲處理緊，依家我去飲嘢一定坐的士！」她指剛從多倫多拍完獎門人節目，問到錢嘉樂可有同行？她說：「冇喎！點解冇？你哋問番獎門人啦！」
呂慧儀指公眾人物應小心言行。
曾犯醉駕的湯盈盈表示，當年撞到人要賠償。