傑仔風騷復工頻補妝

涉嫌醉駕被捕的蔡一傑昨日復工，面容憔悴，對傳媒採取迴避態度，未肯作出交代！

前日在好友伍詠薇家中通宵暢飲傾心事的傑仔，返家途中涉嫌醉駕生意外，座駕嚴重毀爛，幸人未有受傷！經過一晚休息，傑仔昨日如常錄影無綫《華麗明星賽》，下午3時由女助手陪同下步出寓所，臉容稍為憔悴，戴上賊仔帽加黑超的他被問到心情，平日滔滔不絕的他只拋下6個字：「多謝、有心、唔該！」隨即登上座駕返將軍澳電視城。

為了迴避傳媒，提早2小時入電視城的傑仔在1廠後門落車，直入貴賓化妝間，無綫更安排1個保安把守，阻撓傳媒入內，又用兩塊屏風封鎖通道，晚上無綫外事部人員說：「今晚草蜢唔會做訪問同影相！」向來親民的草蜢亦一反常態，蔡一智也一早閃身入化妝間，蘇志威在餐廳撞見傳媒如見鬼，即閃身離開：「我冇嘢講喎！如果係咁我包走落去食！」並作勢起身，想大家知難而退，最後更食剩半碟飯黑面離開。節目比平時提前30分鐘錄影，一身西裝襯煲呔的傑仔出場時作風騷狀，跟炎亞綸抱抱，接住與呂慧儀、卓韻芝貼面錫嘴，鏡頭前沒有異樣，但鏡頭後則強顏歡笑，唯獨貪靚個性不變，經常要化妝師補妝！

反對歧視同性戀

至於盛傳是傑仔的「斷背」密友張耀揚，有傳他最近覓得新歡，現身在澳門的張耀揚昨日接受電話訪問時，承認二人是好好的朋友：「我唔係同性戀者，識傑仔咁多年，我從來冇問過佢嘅性取向，清者自清，我反對任何人歧視同性戀者！」他更自爆已有女友，但並沒有同居：「只係畀條女上嚟打掃！」近年因盆骨椎移位，令他一個人臥床兩年多：「我朋友唔多，只得傑仔同莫少聰！」但連日來未有聯絡傑仔。