多謝勇敢英雄　阿諾為美軍自豪

息影後從政的前加州州長阿諾舒華辛力加，於拉登死亡消息公開後，即在社交網站Twitter說：「我為美軍感到自豪！無論你喺邊度，撥出一分鐘時間向為我哋國家服務嘅勇敢英雄講聲多謝。」其他荷里活名人亦熱烈留言，天后Lady GaGa說：「呢個係對抗仇恨嘅歷史性時刻。」諧星占基利則說：「嘩！佢哋殺咗隻怪物！我今晚已經有所感應o架喇！」

而辣妹Mel B對消息大表開心：「好開心喺洛杉磯聽到呢個消息，呢度嘅民眾熱血沸騰。我哋要停落嚟向冒生命危險嘅士兵講聲多謝。」蘭茜露漢高呼：「美國萬歲！」視星洛魯則說：「我哋今晚搞掂拉登喇？真o架？終於可以伸張正義！」昨日生日的女歌手Lily Allen則留言笑說：「我知道拉登死咗，但希望大家可以關心一下今日嘅真正新聞：『今日係我生日！』」

另外，《拆彈雄心》金像女導演嘉芙蓮碧姬露早前籌備拍攝刺殺拉登為題材的電影《Kill Bin Laden》，講述一班特種部隊在刺殺拉登行動中功敗垂成，現在劇本或需改寫！