熊欣欣等聰仔蒲頭洗塵
有指莫少聰昨日已復工拍攝熊欣欣監製的新片《光輝歲月》，但熊欣欣否認：「我喺杭州，劇本未搞掂，未試造型亦未開會，佢應該幫另一套電視劇開工。我仲未搵到佢，留晒言都未覆，都想見到面同佢洗塵！」此外，譚詠麟昨日出席活動時表示睇報紙才知聰仔獲釋：「我哋近幾年已經好少見面，我之前喺北京，但探唔到佢，亦冇佢電話，我覺得張國忠講得好啱，經一事長一智。」至於其契仔、曾涉毒的關楚耀表示不知情：「係咩？咁咪好囉。其實佢嘅事我都唔係知得好清楚。」
另一邊廂，聰仔一班好友在微博為他打氣，導演陳德森說：「要保重身體！經一事長一智！」任達華寫道：「我們期待和您一齊共享拍戲的時刻，努力努力。」
熊欣欣透露聰仔並非拍攝其監製的新片。（資料圖片）
關楚耀與呂晶晶出席活動，表示不清楚莫少聰獲釋。