遊西敏寺感受浪漫　容祖兒話唔埋閃婚

容祖兒昨日出席護膚品牌MIOGGI活動時，分享英國之旅的瘀事，她說：「我唔見咗兩張信用卡，又漏低手袋，好在搵得番，但耳環就搵唔番。如果我個頭唔係連住條頸，真係隨時唔見埋添呀！」前晚，她在《勁歌金曲優秀選第一回》捧走兩個獎，談及英國威廉王子大婚，她說：「我冇去現場睇，但預早去咗西敏寺感受浪漫氣氛，如果我40歲前嫁得出，為滿足大家，我唔介意嫁得鋪張，但我私下想低調。（玩相睇？）唔做呢啲嘢。（閃婚？）遇到啱嘅人話唔埋！」

同場的林峯捧走「最受歡迎華語歌曲」獎，有指無綫助他挽人氣而犧牲古巨基，他說：「唔好咁多揣測，我隻碟攞咗4白金o架！（傳你攞埋年底嘅男歌星獎？）依家幾月呀？年中講定年尾！（信無綫犧牲基仔幫你？）唔知，我嘅工作有人注意，就係我唯一滿足。」至於阿嬌則憑《放低過去》奪得歌曲獎，並透露Twins將舉行10周年慶祝活動：「遲啲會影CD Cover同出寫真集，但唔係喺書展出。（避開模？）實爭唔贏，佢哋個個年輕貌美！」