鄭伊健原定上月底去日本拍攝朱古力廣告，「跟得女友」YoYo隨行照顧，但日本大地震後，他們更改行程遊法國。因伊健喜歡在巴黎踩單車穿梭城裏，而此行還邀請好友蔡一智與太太周雪芳同行。有讀者報料指「蒙麵」穿着情侶裝踩單車穿梭巴黎的大街小巷，又在圖盧茲著名景點紅磚古橋Pont Neuf上，十指緊扣兼面貼面自拍！有博友捉住伊健合照後，在網上「晒命」並留言：「恩愛得要死，而且真人都很好看。」
有傳恨嫁YoYo為伊健戒掉壞習慣，趁男友對婚姻態度軟化乘勢逼婚，日前見二人甜笑返港，似乎好事近。記者致電伊健，他笑說：「諗多咗，好平常咁去旅行，經常被影相，冇所謂，最緊要大家開心！」經理人林珊珊則說：「做咗咁多年，要秘密結婚唔會專登請假！（YoYo為嫁伊健戒壞習慣？）識佢已經係咁，總之佢哋Sweet，結唔結婚都一樣！」堪輿學家麥玲玲認為今年是好時機：「伊健今年有少少沖提綱，搵啲喜事沖喜吓會好啲！如果嫌今年太急，要註埋冊就最好等到2013年，到時有埋BB都啱。」而「蒙麵」好友黎諾懿表示暫未聽聞婚訊：「冇聽過！我呢排好忙，知佢哋去旅行，都係開心啫！以佢哋嘅關係，結婚都會公開啦！又唔係唔見得光。」
GiGi輕鬆谷戲
此外，伊健舊愛梁詠琪與駐港美國領事館發言人男友Matthew分手後，昨日她首度現身北京機場，拒回應提問，但神情輕鬆，之後她與陳坤等宣傳電影《肩上蝶》。Matthew則悶悶不樂，據知他未接受失戀的打擊。