越級角逐影帝梁家輝認輸
梁家輝憑《李小龍》角逐《第30屆香港電影金像獎》影帝，不過月前他於影樓為特刊拍照，順道接受亞視訪問時，竟質疑自己的入圍資格：「我到呢一刻仲喺度思考緊，點解套戲嘅男主角提名會係李海泉（李小龍父親）嘅？我入到圍已經好高興，依家當自己輸咗喇！」原本他答應亮相昨午《金像獎》拜神儀式，但傳出他扭傷腳的消息，其助手透露他的傷勢已無大礙，目前身在橫店趕戲，相信未能返港出席盛會。而金像獎發言人指各項獎項的提名，都是由電影公司自行衡量及報名。
至於，女主角候選名單中，楊千嬅早前在《電影評論學會》中先拔頭籌，有指她佔盡優勢，但當接受now訪問時，她自爆遭老公丁子高柴台：「佢話我輸梗，咁講都想我唔好咁緊張啫！」而毛舜筠、鄭丹瑞及谷德昭昨日出席拜神儀式，大會宣布已邀得成龍、周潤發及劉嘉玲等擔任嘉賓。
梁家輝接受訪問時坦言，不明自己何以會角逐影帝。
谷德昭（左起）、毛舜筠及鄭丹瑞出席拜神儀式。