蘭子讚靚媽有優秀兒
大美人李嘉欣昨晨誕下男嬰，一班圈中友好紛紛送祝福，其中同屆港姐亞軍陳淑蘭（蘭子）盛讚嘉欣出品，BB定必醒目精靈：「恭喜，恭喜！戥佢開心，更戥佢媽咪開心，咁短時間兩度做婆婆！呢個世界多咗一個優秀同可愛嘅BB。」另一港姐冠軍袁詠儀讚BB出世日是吉日：「恭喜晒！希望BB健健康康同聽教聽話，佢咩都有都唔知送乜，所以會畀利是。2月8號出世肯定係吉日，因為呢日係我同張智霖嘅結婚周年。」
不少幕後人對嘉欣生BB亦非常開心，導演王晶笑說：「嘉欣咁聰明，個仔一定都會好醒目！（斟佢母子拍戲？）唔會！許家都唔畀啦！」導演劉偉強指是個好開始，希望她再追多個好事成雙。填詞人陳少琪亦以SMS恭喜嘉欣，身在內地工作的他已準備神秘禮物。
另外，替許世勳與許晉亨訓練賽駒的著名練馬師約翰摩亞，得知許家喜訊後說：「我同許家認識多年，Julian（許晉亨）與Michele為家庭增添成員，我當然給予熱烈祝福。」
同屆港姐陳淑蘭恭賀李嘉欣，笑言香港又多個靚仔！（資料圖片）
袁詠儀指「嘉亨BB」出世日大吉，皆因與她的結婚日相同。（資料圖片）