女人愛睇鹹濕小說
雖然愛因斯坦嘅相對論可以解釋到好多科學現象，不過世事並唔一定係相對嘅，好似你對女友好，女友未必對你好；上床嘅時候，男方好鬼High，但女方則冇乜Feel。早前有一個來自美國嘅調查報告發現，男人欣賞異性嘅嬌美胴體乃係理所當然，但係大部分女人對於男性嘅胴體卻不感興趣，甚至討厭。另外，調查報告話，要令女性產生性衝動，願意跟男士上床，同佢哋一齊睇鹹濕小說就大有機會得米。呢個調查透過綜合接近100萬個鹹網而推斷出結果，發現以相片同短片為主嘅鹹網，其瀏覽人士當中有75%係男性，結果好正常吖！不過，以鹹濕小說為主嘅鹹網，女性瀏覽人數則佔75%！換言之，女性對於帶有挑逗意味嘅文字，比起鹹相同鹹片更有興趣，所以點解男人叫女伴一齊睇三仔，女伴總係耍手擰頭。各位兄弟記住喇，以後同女伴獨處一室，不妨同佢睇鹹濕小說或講個鹹濕古仔畀佢聽，分分鐘有意外收穫o架！