Juliette Bardot衰多口改名避風頭

某奶粉廣告話：啲便便好似BB咁靚！靚唔靚都關便便事？真係聽到大家火都嚟！難怪有網民話脫星Juliette Bardot對咪咪都好似便便咁靚啦！點解佢哋要用便便嚟形容阿妹對波？咪因為阿妹衰無知兼口臭囉！

波大冇腦

查實Juliette Bardot入行最起朵正係靠對波，可惜紅波唔紅人，致令阿妹片酬到依家都冇乜提升過，焗住做二線脫星。雖然話一線二線都係脫星，演出機會都不相伯仲，但後者就少咗上封面嘅機會，即是話力就有得出，彩就冇得攞，難怪Juliette對四仔界心灰意冷啦！

但心淡都要搵食，阿妹早前接受訪問時，被問到咪咪咁靚有乜秘方，Juliette 就解釋係遺傳自媽咪！佢話：「作為女人，全身最難Keep嘅正係一對咪咪，因為冇人可以挑戰地心吸力，我咁堅挺，唯一解釋係遺傳，其他人唔恨得咁多o架喇！」真係唔該晒，人哋問佢點Keep啫，阿妹竟然順便暗寸一眾脫星打假波，好唔識人情世故囉！

本來天生一對靚咪，奈何阿妹脾氣臭，辣慶關心佢嘅人，公司都費事幫佢解畫，索性幫佢改過個藝名同造型避風頭算數。家陣阿妹叫Olivia Alize，希望佢生生性性，咪再衰多口，否則真係脫星都冇得佢做呀！