冇眉漢難有正常愛情
俗語話鬚眉漢子，就係話男人嘅鬍鬚同眉毛生得比較濃密，但如果男人大丈夫，眉毛上寸草不生，咁又代表乜嘢呢？原來相書話呢種人，性格多數會比較偏執，智慧較低，就算有都唔識得點用，做事經常唔經大腦。
喺感情上，佢哋十分直接，愛一個人就會向對方表示，但佢哋唔會考慮時間同地點，所以經常會令女士手足無措，甚至對女士造成困擾，所以佢哋好難得到正常嘅愛情，如果情況嚴重，佢哋嘅愛意更會朝另一個方向發展，例如成為跟蹤狂或戀物狂。
性事上如果遇上明白佢哋嘅妻子，就會廝守終生，感情一生不變，但如果搵唔到明白佢哋嘅太太，佢哋嘅性慾就會無法正常發洩，更甚者會鑽牛角尖，利用其他古靈精怪嘅方法去解決性慾。如果不加處理，更會容易做出傷害人或自己嘅事添！