純天然滋味一索好「雀」躍

最近中國發現好多黑心食品，又話用牛肉膏將豬肉變牛肉，又話用粟米粉溝墨汁加工製紅薯粉，真係令人聞之色變。唔怪得愈來愈多人追求天然飲食啦，而肥賢今次喺澳門×龍夜總會，就遇到一位純天然美人，令佢開始愛上天然美。

早兩日，肥賢同大炮德做完嘢後，就好得閒咁坐喺位度品評一眾經過嘅女同事，大炮德話：「呢個唔得，行過嘅時候飄出一股俗不可耐嘅香水味，一索就知係用平價貨，10分滿分，我只會畀3分佢。」另一位女同事行過，肥賢就話：「呢個冇身材，仲剪埋個不倫不類嘅短髮，最慘就係化妝化到成隻鬼咁，不如素顏示人仲流露出少少自然美啦。冇得傾，負10分！」

滑嫩柔軟

肥賢嘅一席話，令大炮德連連點頭。突然，大炮德大叫：「呀！」肥賢就話：「德哥，你唔係反應咁遲鈍，家陣先畀佢嚇親啩？」大炮德徐徐道：「唔係！我啱啱醒起，祖哥早幾日講過，澳門×龍夜總會又嚟咗好多新囡囡，個個都青春無敵，而且質素上乘，唔使化妝都靚爆鏡呀。」此時，大炮德經已發現肥賢一陣風咁走咗，原來係飛撲過江。

肥賢去到之後，即刻叫媽咪帶班囡囡入嚟鑑賞，真係個個囡囡都咁正喎！而喺眾多囡囡當中，肥賢就睇中盼盼，因為盼盼眼大大夠精靈，笑容又夠親切，最重要係皮膚夠白滑。