眉骨起角壓力大
男人嘅事業運好唔好，一定要留意佢哋條眉，如果眼眉上端中間嘅地方特別濃密，或者生成一個角形嘅男士，原來代表佢哋做事經常會遇貴人，而且唔止幫吓忙咁簡單，簡直可令佢哋平步青雲。
但有辣有唔辣，運程有起自然有跌，佢哋一跌時亦會跌得好慘，一生不斷經歷大起大跌。感情方面，佢哋一定唔會花心，只會搵一個老婆，因為面對事業起跌都夠佢受，仲邊有咁多時間溝女吖，所以太太們可以放心，但就要畀多啲支持同鼓勵佢哋。
房事上亦同工作壓力掛鈎，佢哋可以因為工作而廢寢忘餐，一年半載不近女色，但亦會因為壓力大而晚晚搵人洩慾減壓。問題係佢哋親熱只係為咗減壓，有時會冇乜情趣，另一半千祈咪詐型，否則佢哋會因為尊重你而唔搵你減壓，到時守生寡就活受罪喇！b:達達
