薯仔扮巨鳥
肥牛同肥明識咗十幾年，一直都好老友，最近肥明仲搬到肥牛樓上住。而近幾日，肥明一早起身，望落樓下會所嘅泳池，都會見到肥牛非常受女仔歡迎。當肥牛游完水返屋企，肥明就問佢：「你個樣同我差唔多咁衰，點解突然間咁受女仔歡迎嘅？」肥牛就話：「一世人兩兄弟，就話你知啦！我每次去游水，都會放個長長哋嘅薯仔入泳褲o架！」肥明聽到之後，第二朝又照辦煮碗，但係泳池嘅女仔，一見到佢就雞飛狗走，令肥明不明所以，於是就去搵肥牛再問一次。
肥牛一見到肥明就話：「個薯仔係放前面，唔係放後面呀！」蠢鈍嘅肥明至知自己搞錯晒。於是第二朝又再試過。不過，由於肥明太早去泳池，見唔到有女仔在場，於是佢就瞓上沙灘椅曬太陽，喺不知不覺間仲瞓着咗添！到醒番嘅時候，就見到唔少女仔行過身前，但係個個都掩住嘴笑。呢個時候，肥牛落到嚟，就同肥明講：「你下次揀個薯仔生少少啦，個薯仔畀太陽曬到發晒芽，啲芽標晒出你條泳褲出面喇！」