被譽為「新時代」的本年度籃球球季開鑼，高級組銀牌昨晚於修頓室內場燃起戰火，衞冕的南華攻力大爆發以105:66大炒晉龍W.T.S打入勝方4強，盡顯霸氣。頭場飛鷹於末段發力以83:74反勝遊協。南華與飛鷹會於本月18日爭入勝方決賽。

羅意庭（白衫）成功助南華旗開得勝。

今季籃球三強鼎立，東方、南華及永倫BIG3勢必鬥得燦爛，南華首仗出戰晉龍W.T.S.實力大超班，但比賽過程完全冇手軟，全場狂攻對手如練波一樣，3位主力羅意庭、梁兆華及惠龍兒頻頻得分，半場已遙遙領先62:23。南華下半場繼續搶攻，最終以105:66大勝一仗，其中惠龍兒攻入全場最高的19分，衞冕第一擊旗開得勝。

高榮生：球隊尚待磨合

頭場遊協對飛鷹，賽事中雙方互有領先，戰況緊湊，遊協上半場先以42:38領先，令人驚喜，下半場更一度轉守人盯人，令飛鷹陷於苦戰，不過戰至第4節，飛鷹憑蘇伊俊射入兩球關鍵3分，最終助球隊以83:74反勝遊協，取得第一場勝仗！

攻入全場最高17分的高榮生賽後表示，自己發揮只算一般，球隊明顯未上力，有待磨合，而對方表現比預期理想，能夠反勝對手關鍵在於隊友末段集中應戰，防守上亦由被動改為主動，結果成功控制戰局，取得最後勝利。