黃威、李嘉耀、梁冠聰、方栢倫及羅港威等追隨李志堅多年的香港飛馬小將，近年成為大小港腳的一分子，即使備受列強虎視眈眈，仍與「堅Sir」共同進退。在年初省港盃斷腳的黃威直言受傷期間，與「堅Sir」關係昇華，昐可重拾佳態，兄弟班同心追逐冠軍圓夢。

梁冠聰（右）去年獲選「最佳青年球員」。

堅sir提點言行舉止

一個「勞比度叔叔」，令來自港、九、新界的小學精英結集成隊贏得曼聯超級盃，實現第一個夢想。隨年月長大，縱然相處模式有變，深厚師徒情未變。獲堅Sir不斷改造位置的梁冠聰，笑言彼此關係「千絲萬縷」：「咁多年來跟佢學得最多係處事，生活上各方面細節都要打點。細個唔明白點解唔准我哋食魚生飲汽水，後來先知呢啲係職業球員應該要注重，逐漸學識自律。」

「堅家班」自幼已成傳媒焦點，不時獲堅Sir提點要注重言行舉止。向來聽話的黃威直言有過反叛期，卻在重傷期間明白「堅Sir」苦心：「在住院期間佢知我嫌醫院飯餸難食，就特別幫我買煲仔飯，已經超過教練要做嘅事。小時候會向佢發細路仔脾氣，現在學會體諒作為教練，佢要兼顧不同事情，就算我喺好番後出場唔多，也有佢嘅原因。希望可逐漸重拾比賽狀態，與香港飛馬更上一層樓。」