剛宣布季尾退役的湖人後衞高比拜仁,昨日回到家鄉費城作客76人,雖獲主隊送出特別版高中波衫表揚,惟「小飛俠」仍無法終止球隊連敗走勢,湖人以91:103輸波,相反76人就結束跨季28連敗紀錄,今季終於開齋。

表現搏命的高比(紫衫)賽後逐一擁抱對手。(美聯社圖片)

意球迷辭職 瞓街都要撐偶像

76人開賽前為高比拜仁準備了多份禮物,除了「小飛俠」的特別版高中波衫外,更播出一條短片向他致敬。高比今戰一開波就火力全開,外圍3投全中,令主場球迷大叫「MVP」。可惜,高比後段表現失色,最後26投僅7中,連罰球攻入20分,「紫金兵團」下半場亦讓76人奪回主導權,終以12分輸波,錄得7連敗。高比賽後感謝76人球迷:「我冇預過主場球迷會支持我,真係好感激佢哋!」

告別信炒到7750蚊封

除了76人粉絲撐場外,亦有兩位意大利球迷為看高比最後一次於家鄉作賽辭職,豪使近萬美元到費城打氣,由於太匆忙關係,兩人未有預訂酒店房,為撐偶像搞到要瞓街。

至於「小飛俠」日前在對溜馬一仗派給現場球迷的告別信,亦掀起炒風,炒價更高達1,000美元(約7,750港元),可見高比人氣依然強勁。