一眾港腳最近盛傳獲內地球會斟介，其中港足4子陳偉豪、張健峰、李志豪及盧均宜昨日出席手機遊戲活動時，就談及北上發展的可能性，李志豪表示要視乎中國足協改例情況，張健峰則要與南華詳細商討，最快明年1月才明朗。

李志豪：睇中國足協點修例

「虎哥」李志豪曾北上效力中超北京國安，該次經驗有利自己再往外闖，他說：「自己嘅普通話已有進步，我聽得明，人哋聽得明我講乜，呢段時間會繼續為標準流浪效命，最主要係睇中國足協修例情況。」他坦言「港中大戰」之前已有中甲球會與他接洽，逼和國足後再有更多內地球會與他斟介。

「GPS峰」張健峰在「港中大戰」一戰成名，獲中超及中甲球會斟介，對於自己獲賞識感到欣喜，並坦言希望往外闖，但要與南華詳細商討：「自己係有家室嘅人，囝囝明年升讀小一，好多嘢都要考慮，但如果有機會都想出外試吓，首先會同南華研究，再作決定。」陳偉豪因傷錯過近期港足熱潮，專心養傷準備在南華復出，盧均宜亦沒有內地球會斟介，留港為港足及傑志爭取佳績。